BROLLACH

Mar a fheicfear ón dtuairisc seo, déanadh dul chun cinn mór i 2006 i dtaobh bonneagar nua a sheachadadh agus seirbhísí feabhsaithe.

  • Tosaíodh ar an obair ar Sheachbhóthar Cheatharlach N9/N10 agus tá sé ag dul ar aghaidh go maith.
  • D’oscail Bóthar Faoisimh Inmheánaigh Céim II Cheatharlach.Tá sé seo mar cheangal Soir-Siar tábhachtach do Bhaile Cheatharlach agus soláthraíonn sé slí mhalartach teacht air agus teacht ó cheantar lár an bhaile.
  • Tosaíodh ar an obair ar cheangal Éire Óg de Bhóthar Fhaoisimh an Deiscirt. Tógadh droichead nua thar Abhainn Bhuirne.
  • Tosaíodh ar dhearadh Bóthar Fhaoisimh an Tulaigh.

 

Ins an aicme forbartha agus cur chun cinn na h-eacnamaíochta:

  • Bhí Oifigeach cur chun cinn na h-Eacnamaíochta ceaptha chun Contae Ceatharlach a mholadh mar áit mhaith le haghaidh infheistíochta.
  • Fuarthas 12 acra talún sa Tulach le haghaidh Páirc Ghnó.
  • Lainseáladh feachtas margaíochta agus poiblíochta chun moladh do oibrithe Cheatharlach a scileanna agus a suim a chlárú i dtaobh obair sa chontae.
  • Is suíomh é baile Cheatharlach le haghaidh scéim píolóta náisiúnta do leathanbhanda Wi-Fi chun na costais insealbhaithe a laghdú agus úsáid an leathanbhanda a chur chun cinn trí crua-earraí nuálaí a fhorbairt. Tá suim mhór ar bhonn náisiúnta sa tionscnamh seo.

 

Fuair Bord Forbartha Chontae Cheatharlach cistíocht chun dhá thionscnamh thábhachtacha a chur ar bun a bhí curtha ar bharr an liosta le haghaidh gníomhaíochta i bPlean Bord Forbartha an Chontae 2006 – 2008.

  • Páirtíocht Spóirt Áitiúil Chontae Cheatharlach
  • Ionad Deonaithe Cheatharlach

Bhí a lán buaiceanna i 2006 mar thoradh ar an bpáirtíocht dearfach atá i gCeatharlach idir Pobail, Na Bailte Slachtmhara, Gnóthaí, Scoileanna agus na húdaráis áitiúla.
I gcomórtas na mBailte Slachtmhara:-

  • Fuair Baile Cheatharlach stádas an bhoinn airgid don gcéad uair.
  • Fuair Leith-ghlinn an Droichid Duais an Chontae agus stádas an bhoinn óir don dtríú uair agus bhíodar roghnaithe chun ionadaíocht a dhéanamh do Cheatharlach i dTionscamh an Baile Is Deise de chuid na hÉireann i 2007.
  • Fuair Cluain na nGall Stádas an Bhoinn Chré-Umha agus fuaireadar an Duais Náisiúnta Dátheangach, chomh maith.
  • Fuair Baile Haicéid an Duais Iarrachta

Ins an tSraith Bruscair IBAL, fuair Baile Cheatharlach an stádas saor ó bhruscar arís.

Bhí a lán buaic-phointí ag Comhairle Contae Cheatharlach, chomh maith, i 2006.

  • Ins na Duaiseanna Comhoibrithe Náisiúnta Bród As d’ Áit, fuair Comhairle Contae Ceatharlach an Duais Náisiúnta don údarás áitiúil is fearr.
  • Bhí tionscnamh an Chomhairle Contae ar sheirbhís custaiméara d’ard chaighdeáin mar cheann de aon cheann déag de thionscnamh a bhí ar an ngearr-liosta i gcomórtas Eorpach le haghaidh údaráis áitiúla – duais UDITE de bharr an fheabhsaithe is mó

d’ Éirigh le Comhairle Chontae Cheatharlach roinnt Duaiseanna a fháil ó Chumainn Lucht Tráchtála:

  • An tSeirbhís phoiblí is fearr-Oifigí Cathartha An Tulaigh
  • Ag glacadh le h-éagsúlacht san áit oibre

Bhí dul chun cinn mór déanta i soláthar chaitheamh aimsire agus conláiste:

  • Bhí an Pháirc Fhoraíse Réigiúnach ag Páirc Daraí oscailte don bpobal agus tá fianaise ann go bhfuil sé mar áis le an-tarrach don bpobal
  • Muine Duckett – tosaíodh ar an obair
  • Obair Fheabhsaithe Turasóireachta ag Sliabh Laighin agus ag Naomh Moling.
  • Fuarthas ciste ón Roinn faoi Scéim na n-Áiseanna Sóisialta & Pobail le haghaidh uasghrádú na n-áiseanna pobail agus spóirt i Ráth Bhile.

I dtaobh na tithíochta de, lean údaráis áitiúla Cheatharlach leis an dul chun cinn mór i bPlean Gníomhach Sóisialta & In-acmhainn na Comhairle 2004 – 2008 a dhein an Coiste Polasaí Tithíochta agus Sóisialta athbhreithniú air i 2006. Críochnaíodh scéim mhór de 144 tigh le crèche agus ionad pobail san áireamh ann ag Cnoc a’ Toradh, An Ghráig, Ceatharlach.

Ba mhaith linn ár meas agus ár mbuíochas a ghabháil leis na Baill Tofa, na Cathaoirligh agus le Baill na gCoistí Polasaí Straitéiseacha, na Coistí Ceantair agus an Fhoireann as ucht a ndiongbháilteacht, a gcomhoibriú agus a gcuid tacaíochta i seachadadh na seirbhísí go bhfuil tionchar an-mhór acu ar chaighdeán saoil na ndaoine i gCeatharlach.

Gabhaimid buíochas, chomh maith, leis na pobail áitiúla, na gníomhaireachta tráchtála, na comh-chaidrimh fhorbartha agus na grúpaí deonacha as ucht a rannpháirtíochta dearfaí.

Creidimid go dtabharfaidh an tuairisc bhliantúil seo léargas níos fearr ar réimse leathan na ngníomhaíochtaí a thugann údaráis áitiúla Cheatharlach fúthu chun cur le forbairt eacnamaíochta agus sóisialta.

 

                                               
Michael Abbey,
Cathaoirleach,
Comhairle Chontae Cheatharlach.

                                               
Jim Townsend,
Cathaoirleach,
Comhairle Bhaile Cheatharlach.

                                               
Margaret Cushen,
Cathaoirleach,

Comhairle Bhaile Mhuine Bheag

                                               

Joe Crockett,

Bainisteoir an Chontae.