• MENU
• PRINT PAGE
• 
• 
• 

SEIRBHÍSÍ CORPARÁIDEACHA

Tá Roinn na Seirbhísí Corparáideacha freagrach as soláthar agus bainistíocht réimse an-leathan seirbhísí go bhfuil san áireamh ann: Cruinnithe Grúpa na Comhairle agus an Pholasaí Corparáideach, Deontais don Ard Oideachas, Clár na dToghthóirí, Saoirse Eolais agus Seirbhísí Custaiméirí.

DEONTAIS DON ARD OIDEACHAS

Tugann Comhairle Chontae Cheatharlach amach deontais le haghaidh Ard Oideachas do dhaoine intofa de réir fhorálacha Achtanna ( Ard Oideachas) na nÚdarás Áitiúil, 1968 go 1992 agus na dtéarmaí atá leagtha amach ins an Scéim Deontais Ard Oideachas reatha.

Chun bheith i dteideal deontas a fháil faoin scéim caithfidh an t-iarrthóir na coinníollacha a shásamh i dtaobh áit cónaithe, aois, cáilíochtaí acadúla, náisiúntacht agus acmhainn. Sé luach an deontais chothabhála iomláine le haghaidh 2006 ná €3,110. Tá Táille Seirbhíse an Mhic Léinn díolta díreach chuig an Coláiste/Institiúid i leith iarrthóirí a cháilíonn don deontas cothabhála.

Bhí caiteachas de €1.4 milliún ag Comhairle Contae Ceatharlach i 2006. Ach, is féidir an caiteachas ar na Deontais do Ard Oideachas a fháil ar ais ón Roinn Oideachais agus Eolaíochta ach amháin don ranníocaíocht socraithe de €6,400 atá iníoctha ag an údarás áitiúil seo faoi Roinn 3 de Acht (Deontais do Ard Oideachas) an Údaráis Áitiúil, 1968.

CLÁR NA DTOGHTHÓIRÍ

Tá Clár na dtoghthóirí foilsithe ar bhonn bliantúla. Sé atá i Rolla na dToghthóirí ná liosta de gach aoinne atá ós cionn 18 bliana déag d’aois go bhfuil cónaí orthu sa chontae agus atá i dteideal vótáil i dtoghcháin don Dáil, Parlaimint na hEorpa, Uachtaráin, Toghcháin Áitiúla agus Pobal Breith. Sé méid iomlán na dtoghthóirí atá cláraithe chun vótáil i Rolla na dToghthóirí 2006/2007 ná 39,902. Tá an figiúr briste síos de réir an cheantair thoghchánaigh agus de réir an chineáil toghthóra mar seo a leanas:

 

Ceantair Thoghchánach Áitiúla	Líon na dToghthóirí
An Bhuiríos	5,250
Ceantar Áitiúil Toghchánaigh Cheatharlach Uimh. 1	4,866
Ceantar Áitiúil Toghchánaigh Cheatharlach Uimh. 2	10,114
Muine Bheag	9,458
An Tulach	10,214

 

• 39,140   Toghthóir Uachtaráin
• 36,053   Toghthóir Dála
• 39,607   Toghthóir Eorpach
• 28  Toghthóir Eorpach Dóighiúla

Bhain na sonraí seo a leanas le Vótálaithe Poist agus Speisialta:

• 6 Garda
• 140        Na Fórsaí Cosanta
• 7             Trí an Post do Míchumas
• 183        Speisialta Míchumas

SEIRBHÍSÍ TRÉIDLIACHTA

Comhlíonann Cigire Tréidliachta lán aimsire an conradh seirbhíse idir Údarás Sábháilteachta Bia na hÉireann (USBE) agus Comhairle Chontae Cheatharlach.  Déanann an Cigire Tréidliachta feidhmeanna éagsúla a bhaineann don gcuid is mó le sábháilteacht bia agus sláinte poiblí. Tá oifig an Chigire Tréidliachta suite san Oifig Chathartha, An Tulach.

SMACHT GADHAR

De réir Acht um Smachtú Gadhar, 1986 agus 1992 ní foláir ceadúnas a bheith ag gach gadhar agus gach Bothán Gadhair Cosanta, seachas iad san atá in úsáid go hiomlán ag na Gardaí, na Fórsaí Cosanta agus ag an tSeirbhís Custaim agus Máil. Déanann Roinn 2 den Acht coir as duine gadhar a choimeád mura bhfuil ceadúnas aige/aice don gadhar san nó ceadúnas ginearálta a chlúdaíonn líon gadhar ag áit sonraithe. Ritheann Comhairle Chontae Cheatharlach agus Comhairle Chontae Chill Chainnigh Chomh-Sheirbhís Maor Ghadhar le beirt Mhaor Gadhar. D’ Oscail Póna gadhar den scoth ag Baile Phóil i 2006 a fuair cistíocht ó Chomhairle Chontae Cheatharlach agus ó Chomhairle Chontae Chill Chainnigh.

Méid na gCeadúnas Eisithe:                  2308
Méid na nGadhar a bhí curtha sa phóna: 245

Méid na bhfíneál eisithe:                               121

TITHE CÚIRTE

Leanann Comhairle Chontae Cheatharlach ag déanamh cothú ar Thithe Cúirte Mhuine Bheag agus an Tulaigh. Is féidir an caiteachas ar fheidhmiú agus ar chothú an tí cúirte a fháil ar ais ó Sheirbhís na Cúirte.

CRÓINÉIRÍ AGUS ATHBHREITHNITHE

Tá cróinéir páirt-aimsire fostaithe ag Comhairle Chontae Cheatharlach chun athbhreithniú agus deimhnithe iar-bháis a eisiúint. I 2006 bhí 76 bás tuairiscithe le 12 scrúdú iar bháis agus 27 athbhreithniú déanta ag an gcróinéir.

PÁIRTÍOCHT SAN LÁTHAIR OIBRE

Le linn 2006 lean an próiseas nithe a thabhairt suas chun dáta agus bainistíocht a dhéanamh ar athrú trí páirtíocht trí phróiseas tionscnamh áitiúil a neartú agus trí chur cur i bhfeidhm na bpolasaithe náisiúnta. Faoi “Dul Chun Cinn a Chothú” agus “Comhaontais i dTreo 2016” caithfidh méadaithe faoi Thagarmharcáil a bheith deimhnithe i gcoinne gealltanas aontaithe agus modhanna so-lúbtha. Dhein Grúpa Deimhnithe an Chomhlíonadh a bunaíodh faoin bpróiseas seo iniúchadh ar Údaráis Áitiúla Cheatharlach ar an 5ú Aibreán 2006 agus bhíodar sásta go raibh na hÚdaráis Áitiúla ag comhlíonadh a ngealltanas faoin bpróiseas. Rud an-thábhachtach ina gcuid bhreithnithe ab ea ról gníomhach na Páirtíochta i seachadadh na n-athruithe. Seo a leanas is ea roinnt des na tionscnaimh a tugadh isteach/a bhí seachadta i 2006.

• Soláthar scrúdaithe Sláinte don fhoireann.

• Seirbhís uile-choiteann

• Traenáil Seirbhís Chustaiméara le haghaidh iad san a bhuaileann leis an bpobal

• Leanúint le cur chun cinn ar an dtionscnamh Filleadh ar fhoghlaim

• Traenáil struis san láthar oibre le haghaidh Foireann na Seirbhíse Tine

• An fhoireann go léir eisithe le peidiméadair mar chuid de chur chun cinn sláinte san láthair oibre

• Tacaíocht leanúnach do PMDS

• Foilsiú iris leabhar na foirne

• Cóisir don fhoireann atá éirithe as

CÓRAIS FHORBARTHA CHOMHLÍONADH BAINISTÍOCHTA

Sé prionsabal an CFCB ná rannpháirteachas méadaithe a fhorbairt i bpróiseas forbartha an ghnó agus pleananna forbartha pearsanta a fhorbairt i leith na foirne go léir. Is é an tslí an Plean Chorparáideach a nascadh le Pleananna Gnó agus mar sin cabhraíonn sé le seachadadh seirbhísí na Comhairle.
Athróidh an próiseas údaráis áitiúla Cheatharlach ina h-eagraíocht fhoghlamtha oscailte le soláthar seirbhíse uasghrádaithe dár scairshealbhóirí go léir. Traenáladh beirt bhall den fhoireann chun an próiseas a thabhairt isteach trasna na heagraíochta. Seoladh an córas chuig gach rannóg i 2006.

SAOIRSE EOLAS

Tugann na hAchtanna Saoirse Eolais (ASE), 1997-2003 3 cheart dlíthiúil dóibh siúd atá ag iarraidh teacht ar eolas atá ag eagraíochtaí poiblí atá clúdaithe ag an Acht:

• An ceart teacht ar thaifid oifigiúla a cruthaíodh i ndiaidh an 21ú Aibreán, 1998 atá coimeádta ag Ranna Rialtais nó ag eagraíochtaí poiblí eile faoi smacht an Achta

 

• An ceart sonraí pearsanta ar thaifid oifigiúla a bheith ceartaithe nó tugtha suas chun dáta nuair atá eolas dá leithéid neamhchríochnaithe, mícheart nó míthreorach agus

• An ceart cúiseanna a fháil le haghaidh breitheanna ag eagraíochtaí poiblí a chuireann isteach ar an iarrthóir.

Caithfidh iarratas do eolas faoin Acht Saoirse Eolais a bheith déanta, i scríbhinn; i dteannta leis an táille cuí (i.e. €15 nó €10 i gcás duine atá clúdaithe le cárta liachta) agus ba chóir dó a insint go bhfuil an t-eolas á lorg faoin Acht Saoirse Eolais. Bhí méid na n-iarratas a fuarthas faoin Acht Saoirse Eolais le linn 2006 mar seo a leanas:-

Méid na n-Iarratas tugtha ar aghaidh ó 2005	0
Méid na n-iarratas a fuarthas i 2006	15
Méid na n-iarratas a ceadaíodh	14
Cásanna Beo ag an 31ú Nollaig 2006	1

 

Méid na n-Athbhreithnithe Inmheánacha a Fuarthas	2
Méid na n-Achomharc chuig an Choimisinéir Eolais	0
Foinsí na n-Iarratas	Iriseoirí 2: Gnó 4: Foireann 1: Custaiméirí 1: Eile 7.

 

FEAR AN PHOBAIL

Bunaíodh oifig an Fhir Phobail chun scrúdú a dhéanamh ar ghearáin ó bhaill an phobail a mheasann gur déileáladh leo go míchothrom ina gcuid gnó le eagraíochtaí mar Ranna Rialtais, Údaráis Áitiúla agus Boird Sláinte.

• Gearáin tugtha ar aghaidh ó 2005 - 6

• Gearáin faighte - 6

• Gearáin a tugadh freagra iomlán orthu - 8

• Ábhar na nGearán -Tithíocht, Pleanáil, uisce/séarachas

 

NASCADH

Do nasc Contae Cheatharlach le Davenport IOWA SAM ag cruinniú speisialta de chuid Chomhairle Chontae Cheatharlach a bhí ar siúl ar an 26ú Meán Fhómhair 2006. Tá Ceatharlach nasctha, chomh maith, le Droichead na Banna, Co. an Dún agus le roinnt blianta anuas leanadar ag cruthú ceangail láidre leis an bpobal seo.

SAOIRSE CHEATHARLACH
Ar an 23ú Meithimh, 2006 ag searmanas i gColáiste Naomh Phádraig, tugadh Saoirse Cheatharlach, don gcéad uair riamh, don Athair Caoimhín O’Neill, Coláiste Naomh Phádraig, Ceatharlach agus don Ollamh Jimmy Burke, Teagasc, Ceatharlach. Bheartaigh Baill Chomhairle Chontae Cheatharlach onóir shibhialta a bhronnadh ar an Athair Caoimhín O’Neill mar aitheantas ar a chuid oibre ar an ionad ealaíona i gCeatharlach; ar oideachas agus ar an saol ealaíona agus cultúrtha i gCeatharlach agus ar an Ollamh Jimmy Burke mar aitheantas ar a chuid oibre ar fhorbairt Páirc Foraoise ag Páirc Daraí; ar a chuid oibre ar fhorbairt talmhaíochta agus eacnamaíochta sa Chontae.

 

MÍCHUMAS

Cuireann an t-Acht Míchumais 2005 réimse cúramaí ar Údaráis Áitiúla

• Teacht uilíoch ar áiteanna poiblí, foirgnimh agus seirbhísí gur leis na h-údaráis áitiúla iad a chur chun cinn

• Teacht ar fhoirgnimh agus ar shuímh oidhreachta a chur chun cinn, sa mhéid is go bhfuil sé praiticiúil,

• Teacht ar eolas a chur chun cinn ar seirbhísí na n-údarás áitiúla i slite insroichte (SUÍMH IDIRLÍN)

• Slí isteach soghluaiste a chur chun cinn do dhaoine le míchumas orthu ar áiseanna áitiúla agus conláistí. (Faichí Imeartha, Páirceanna agus Stáisiúin Vótála)

Cheadaigh an t-Oireachtas an Plean Earnála le haghaidh Údaráis Áitiúla ar an 18ú Deireadh Fómhair 2006. Tá i gceist ag an bPlean Earnála comh-deiseanna a chur ar aghaidh agus a mholadh do dhaoine le míchumas orthu chun páirt a ghlacadh i saol eacnamaíochta, sóisialta agus cultúrtha an phobail agus imlíníonn sé na céimeanna gur chóir a thógáil maidir le soláthar seirbhísí feabhsaithe do dhaoine le míchumas orthu ag na h-údaráis áitiúla.

Caithfidh gach údarás áitiúil iniúchtaí insroichte a dhéanamh laistigh de sé mhí tar éis ceadú an Phlean Earnála ag an Oireachtas i dtaobh gach foirgneamh poiblí, páirceanna poiblí, conláistí, spáis oscailte, bóithre, sráideanna, pábhálacha agus bealaigh trasnaithe na gcoisithe, suímh oidhreachta agus leabharlannaí poiblí atá faoina gcúram. Caithfear an plean cur i bhfeidhm a bheith ullmhaithe laistigh de thrí mhí tar éis na n-Iniúchtaí insroichte.

Bhí an fhoireann seo a leanas ceaptha mar Oifigigh Insroichte de réir an Achta Mhíchumais 2005:

An Timpeallacht Forbartha            Owen O Céilleachair, A/Príomh Oifigeach,
Teicneolaíocht Eolais Cumarsáide Ceannaire an Teicneolaíocht Eolais
Seirbhísí Custaiméara:  Oifigeach Feidhmiúcháin Sinsearach, Seirbhísí Corparáideacha/Acmhainní Daonna

Fuair Údaráis Áitiúla Cheatharlach ciste de €227,236 faoi chlár an Chiste Straitéiseach Náisiúnta Míchumais agus seo a leanas roinnt des na hoibreacha a déanadh:

• Traenáil Mheabhraíochta Míchumais

• Soláthar seilfeanna insroichte ag Leabharlann Muine Bheag do chustaiméirí le míchumas orthu

• Ceannach Both Eolais le haghaidh áit seirbhíse na gcustaiméirí ag Foirgnimh an Chontae

• Soláthar rampaí agus bealaigh trasnaithe do choisithe in áiteanna tábhachtacha a aimsigh Gluaiseacht Rochtana Cheatharlach – Bóthar Ceangail ag TE Cheatharlach (An Bóthar Glas) agus Ráth na Pís – Teach Delta

• Soláthar Bealaigh Trasnaithe do Choisithe ag Árais an Chontae.

• Soláthar Trealamh Imeartha — Ceantar Imeartha Ard an Doirín

• Pábháil Tadhlach agus oibreacha eile sa Tulach

 

ACMHAINNI DAONNA

Tá Údaráis Áitiúla Cheatharlach mar cheann des na fostóirí is mó i gContae Ceatharlach, le leibhéal foirne údaraithe de 305. Tá an fhoireann, atá déanta suas den a lán grádacha difriúla fostaithe, gafa le seachadadh réimse leathan seirbhísí don bpobal. Tá Roinn an Acmhainn Daonna freagrach go sonrach as:

• Pleanáil Daonchumhachta, Earcaíocht agus Roghnú

• Traenáil, Foghlaim agus Forbairt

• Bainistíocht ar an gComhlíonadh

• Gaoil Tionsclaíocha

• Leas na Foirne

• Comhionannas/Éagsúlacht

• Cothromaíocht an Saoil Oibre

• Aois-liúntas

 

Tá ról tábhachtach ag gníomhaíochtaí Roinn an Acmhainn Daonna i seachadadh aidhmeanna Údaráis Áitiúla Cheatharlach. Sé polasaí na Comhairle ná foireann mhaith a mhealladh agus a choinneáil leis na cáilíochtaí agus an taithí acu atá riachtanach chun seirbhís éifeachtach a sholáthar dos na daoine i gCeatharlach.

CAIDREAMH TIONSCLAÍOCHA

Oibríonn Roinn an Acmhainn Daonna le Ceard Chumainn agus le h-Ionadaithe Foirne chun caidreamh oibre maith a bhaint amach agus táid dírithe ar dhea-thimpeallacht tionsclaíocha a chothú. Níor cailleadh aon laethanta de bharr conspóidí tionsclaíocha i 2006.

COTHROMAÍOCHT AN TSAOIL OIBRE

Tá na Scéimeanna Cothromaíochta Saoil Oibre seo a leanas i bhfeidhm

COMHIONANNAS/ÉAGSÚLACHT

Cloíonn Údaráis Áitiúla Cheatharlach in iomlán le prionsabail an chomhionannais mar atá sé leagtha amach in Achtanna Comhionannais 1998 go dtí 2004. Le linn na bliana soláthraíodh traenáil don fhoireann i gcomhionannas agus in éagsúlacht rud atá leanúnach agus i dteanga chomharthaíochta.

TRAENÁIL FOGHLAIM AGUS FORBAIRT

Tá Traenáil, Foghlaim agus Forbairt mar fheidhm croíláir ag an Roinn Acmhainn Daonna agus le linn 2006 d’ullmhaíodh straitéis traenála, foghlamtha agus forbartha le haghaidh Údaráis Áitiúla Cheatharlach. Tá próifíl forbartha pearsanta na foirne i scéim Chóras Bainistíochta an Chomhlíonadh mar chuid tábhachtach de phleananna traenála na heagraíochta.

PRÓISEAS FÍORÚCHÁIN AN CHOMHLÍONADH

D’aighnigh an Chomhairle roinnt phleananna gníomhaíochtaí ag sonrú an dul chun cinn faoi Bhuanú an Dul Chun Cinn le linn na bliana do Ghrúpa Fíoraithe na Feidhmíochta i dtaobh thagair-mharcála. Bhí cuairt ar an láthair Grúpa Fíoraithe na Feidhmíochta ar siúl ar an 5ú Aibreán 2006

 

CÚRSA	FAID
Cúrsa Seirbhísí Sláintíocha 8 Lá	Eanáir, 2006
Réamhléiriú ar Chúrsa Dlí Conartha	28ú Feabhra, 2006
Todhchaí na h-Aimsire seo Caite – Ról na h-Oidhreachta agus an Chultúir i bhForbairt na Turasóireachta	23ú agus 24ú Feabhra, 2006
Siopa Oibre Éascaithe Athruithe – Ag Dearadh Gníomhaíochta Comhoibrithe le haghaidh Eagraíochtaí agus Pobal	1ú go 3ú Márta, 2006
Scileanna Idirbheartaíochta (RAS)	11ú Aibreáin, 2006
Barr Feabhais ó Dhaoine	19ú Aibreáin, 2006
Cúrsa Traenála Bainistíochta	31ú Bealtaine, 2006 go dtí an 1ú Meithimh, 2006
Comhdháil Oibre do Gach Aoinne	18ú agus 19ú Bealtaine, 2006
Ag Seachadadh Forbartha-idir Phobail agus Áitiúil: An Cás le haghaidh Leasuithe Struchtúraigh	26ú Bealtaine, 2006
Ailtireacht i gComhdháil na Seirbhíse Poiblí	8ú agus 9ú Meithimh, 2006
Eolas ó Léarscáil	19ú go 20ú Meithimh, 2006
Réamhléiriú don TIA agus do Dhearadh Acomhail	10ú go 13ú Iúil, 2006
Clár Traenála Bainistíochta Fuíll	Meán Fómhair go Nollaig, 2006
Comhdháil Bhliantúil – Grúpa Traenála na Seirbhísí Uisce Náisiúnta	7ú Meán Fómhair, 2006
Ag Forbairt Pobail Inmharthana	28ú agus 29ú, Meán Fómhair, 2006
Seimineár le haghaidh Chúntóirí Pearsanta agus Rúnaithe Bainisteoirí an Chontae	18ú agus 19ú Meán Fhómhair, 2006
Cúrsa Traenála IREG	1ú Meán Fhómhair, 2006
Comhdháil Bhliantúil – Ról Stiúrthóir na Seirbhísí – Thar an Chéad Deich mBliain Eile	26ú agus 27ú Meán Fhómhair 2006
Réamhléiriú ar Chigireacht Maoine	6ú Deireadh Fómhair, 2006
Comhdháil ar Dhearadh agus ar Shábháilteacht Bóithre	4ú agus 5ú Deireadh Fómhair, 2006
Gnéithe Chur i bhFeidhm – Impleachtaí dos na hÚdaráis Áitiúla	10ú Deireadh Fómhair, 2006
Comhdháil Ginearálta Bliantúil de chuid Oifigeach Cháin Gluaisteán	12ú agus 13ú Deireadh Fómhair, 2006
Aghaidh a Thabhairt ar Iompar Frith-Shóisialta	18ú Deireadh Fómhair, 2006
Agallamh an Láthair Oibre, Scileanna Páirtíochta, Siopa Oibre na n-Eascaitheoirí	23ú Deireadh Fómhair, 2006
Ionad Smachta Suirbhé	24ú Deireadh Fómhair, 2006

CÚRSA	FAID
Fóram Sábháilteacht Bóthar	25ú Deireadh Fómhair, 2006
Cód Cleachtais ar Seirbhísí Poiblí Insroichte	27ú Deireadh Fómhair, 2006
Ag Déileáil le Iompar Frith Sóisialta – Gearán don gCúirt	7ú agus 8ú Samhain, 2006
Ag tuiscint Rialacha Soláthar Cheantar an Phobail Eorpaigh	8ú agus 9ú Samhna, 2006
Gréasán Foghlamtha Frith-Bhochtaineachta an Údaráis Áitiúil	13ú Samhna, 2006
Comhdháil Páirtíochta an Láthair Oibre	14ú Samhna, 2006
Acht Tionóntachta Cónaithe 2004 – Siopa Oibre an Chleachtais Is Fearr	15ú Samhna, 2006
Teastas i Sábháilteacht agus Sláinte ag Obair	2005-2006 (bliain acadúil)
MOC2400 – Ag Cur i bhFeidhm agus ag Déanamh Bainistíochta ar Fhreastalaí Malartach Microsoft	20ú go 24ú Samhna, 2006
Tionscnamh Revos – Seimineár Réigiúnach	22ú Samhna, 2006
Scileanna Cigireachta Timpeallachta	22ú agus 23ú Samhna, 2006

 

STAITISTICÍ PEARSANRA 2006
Seo a leanas croílár na foirne buaine mar a bhí ag Nollaig, 2006:

Briseadh Síos	Méid na Foirne
Bainistíocht/Riarachán	122
Innealtóireacht/Teicniúil	45
Foireann Fheidhme/Foireann amuigh	139
Foireann Iomlán	306

Seirbhís Tine (coimeádta)	45
Eile	40

COMHDHÁIL GUR FHREASTAL COMHAIRLEOIRÍ UIRTHI, 1Ú EANÁIR, 2006 GO 31Ú NOLLAIG, 2006

 

 

Dáta	Comhdháil	Áit	Méid Daoine a Bhí i Láthar
14ú – 15ú Samhain 2006.	E- Bhailte - Freagra Forbartha Eacnamaíochta Beo/Oibre	Comhlacht Forbartha na Sionainne, Lár Baile na Sionainne, An tSionainn, Co. an Chláir	1
15ú Samhain, 2006.	Comhlachas Chontae Ceatharlach Siopa Oibre an Cleachtais is Fearr	Ostán Talbóide, Ceatharlach.	4
24ú – 25ú Samhain, 2006	Comhdháil Turasóireachta an Chláir 18ú Comhdháil Turasóireachta Náisiúnta	Ostán Falls, Inis Díomáin, Co. an Clair	9
30ú Samhain – 2ú Nollaig	Comhdháil deiridh do 2006	Chomh-chaidreamh Forbartha Pobail Áth Treasna. Boss Murphys, Baile na h-Eaglaise, Maigh Eala, Co. Chorcaí	1
8ú Nollaig, 2006	Cónaidhm na gComhairleoirí Eorpacha. “Seirbhísí do Sean Daoine”	Ostán Chill Uí Eimhín, Inis Cheithleann, Co. Fhear Manach	6
10ú Nollaig 2006	Focus Éireann	Sráid Adelaide, Dún Laoghaire Co. Bhaile Átha Cliath	1

 

COMHARTHAÍ COMHLÍONADH